ზაფხულის ცხელი დღეების მოახლოებასთან ერთად, კონდიციონერის საჭიროება აქტუალური ხდება. კონდიციონერის შეძენამდე რამდენიმე ფაქტორი უნდა გავითვალისწინოთ.

რა უნდა ვიცოდეთ თუ კონდიციონერს სახლისთვის ვეძებთ

1. სახეობა
   

• სპლიტ სისტემა

სპლიტ სისტემის კონდიციონერები, შიდა და გარე ბლოკისგან შედგება. ბლოკები ერთმანეთთან სპეციალური მილებით არიან დაკავშირებული. შენობის გარეთ, მოწყობილობის ხმაურიანი ნაწილი მონტაჟდება.

ბაზარზე გავრცელებულია კედლის სპლიტ სისტემის კონდიციონერები, რომლებიც მცირე ფართობის ბინების, მაღაზიებისა თუ ოფისებისთვის კარგ ვარიანტს წარმოადგენს. მათი დახმარებით 15-დან 100 კვ.მ ფართობის მქონე ოთახების გათბობა-გაგრილებაა შესაძლებელი. ასეთ შემთხვევებში კონდიციონერი კედლის ზედა ნაწილშია განთავსებული.

• ჭერისა და იატაკის კონდიციონერი

ამ ტიპის მოწყობილობებს იმ შემთხვევებში იყენებენ, როდესაც ოთახს არ აქვს შეკიდული ჭერი ან წაგრძელებული ფორმისაა.

• მობილური კონდიციონერი

ასეთი ტიპის კონდიციონერები ცნობილია იატაკზე დასადგამი მოდელების სახით. მობილური მონობლოკი მცირე ზომის მოწყობილობაა, რომელსაც გორგოლაჭები გააჩნია, რაც ოთახში გადაადგილებას ამარტივებს.

2. შენობის თავისებურებები

კონდიციონერის შერჩევამდე, მნიშვნელოვანია შენობის პარამეტრების განსაზღვრა. ამ დროს ოთახის ფართობთან მიმართებაში, სწორად უნდა განისაზღვროს გაგრილებისა და გათბობის სიმძლავრე.

3. ფუნქციები და რეჟიმები

კონდიციონერების ბევრ მოდელს გაგრილებისა და გათბობის გარდა, სხვა საჭირო თვისებებიც გააჩნიათ.

• ვენტილაციის რეჟიმი

ეს რეჟიმი ოთახში არსებული ჰაერის მასის ცირკულაციას ახდენს. ვენტილაცია ხელს უწყობს პერიმეტრზე ტემპერატურის თანაბარ განაწილებას.

• იონიზაცია

ხშირად დახურულ სივრცეში ყოფნამ შესაძლოა თავის ტკვილი, თვალების წვა ან სუნთქვის გართულება გამოიწვიოს. თანამედროვე კონდიციონერებს გააჩნიათ იონიზაციის ფუნქცია, რომელიც ოთახში მტვრისა და მავნე ნაწილაკების წარმოქმნას ამცირებს და აუმჯობესებს ჰაერს.

• Turbo - რეჟიმი

ამ ფუნქციის საშუალებით კონდიციონერი მაქსიმალური დატვირთვით იწყებს მუშაობას, რომ სასურველ ტემპერატურას მალე მიაღწიოს.

• კონდიციონერის მოდელებს ბევრი სხვა სასარგებლო თვისებებიც აქვთ. მაგალითად: feel, sleep mode, ავტომატური რეჟიმი, რომელიც ზომავს ოთახში არსებულ ტემპერატურას და არეგულირებს მას.
  
  

4. მწარმოებელი კომპანია

ერთ-ერთი მთავარი განმსაზღვრელი ფაქტორი, კონდიციონერის მწარმოებელი ბრენდი და მისი გარანტიაა.

კონდიციონერების შეძენა, სახლიდან გაუსვლელად Onoff.ge-ზე შეგიძლია. გაატარე ზაფხულის ცხელი დღეები, გრილად.