როდესაც კინოთეატრში საინტერესო ფილმს ვუყურებთ, საქმიან შეხვედრაზე ვიმყოფებით ან უბრალოდ არ გვინდა ვინმემ ხელი შეგვიშალოს, ჩვენს სმარტფონზე Do Not Disturb ფუნქციას ვაყენებთ. თუმცა ზოგჯერ როცა გვინდა აუცილებელ ზარს ვუპასუხოთ, შესაძლებელია მოვნიშნოთ მხოლოდ ის ადამიანები, ვინც ნებისმიერ დროს დაგვეკონტაქტებიან.

iPhone-ის მომხმარებლებს iOS 12-დან მოყოლებული შესაძლებლობა აქვთ Do Not Disturb ფუნქციას გამონაკლისები დაამატონ. ამისთვის საჭიროა, შემდეგი ნაბიჯები გავიაროთ:

• შევიდეთ Settings კატეგორიაში
• მოვძებნოთ Do Not Disturb რეჟიმი
• გავააქტიუროთ
• შემდეგ ავირჩიოთ Allow Calls From და მოვნიშნოთ კონკრეტული ჯგუფი ან Favorites გრაფა.

აღნიშნული ფუნქციის გააქტიურებით, ჩვენ კონტაქტებში არსებული ადამიანების გარკვეული ჯგუფიდან  მივიღებთ ზარებს.ხოლო იმ შემთხვევაში თუ ერთი პიროვნების არჩევა გვსურს. საჭიროა გავიაროთ შემდეგი მოქმედებები:

• შევიდეთ კონტაქტებში
• მოვძებნოთ ის ადამიანი ვისაც ვრთავთ ნებას დაგვეკონტაქტოს
• გავაკეთოთ Edit და შემდეგ ავირჩიოთ Ringtone
• მოვნიშნოთ Emergency Bypass

ასეთ დროს ჩვენს სმარტფონზე Do Not Disturb რეჟიმის დროს, აუცილებელი ზარი და შეტყობინება, კონკრეტული პიროვნებისგან მაინც შემოვა.

Do Not Disturb ფუნქციაზე Schedule - ანუ გრაფიკის გაწერაც შეგვიძლია, რომლის დახმარებითაც ჩვენ მიერ განსაზღვრულ დროს ის ავტომატურად გამოირთვება.