ბუხარი, თითქმის ყველა ადამიანს სიმყუდროვესა და სითბოს ახსენებს. თანამედროვე სახლებში, განსაკუთრებით კორპუსის ბინებში, კლასიკური ბუხრის ჩაშენება საკმაოდ რთული პროცესია. ოპტიმალური გამოსავალი - ელექტრო და ბიო ბუხრის დამონტაჟებაა, რომელიც გათვლილია სხვადასხვა ბიუჯეტსა და ზომაზე. ბაზარზე ძირითადად დეკორატიული ბუხრის ორი სახეობა გვხვდება: პირველი, რომელიც ინტერიერში მხოლოდ დეკორის ფუნქციას ასრულებს და მეორე - გამათბობელი.

ელექტრო ბუხრის დამონტაჟება და მოვლა, კლასიკურ ბუხართან შედარებით, ბევრად იაფი ჯდება. ის შეიძლება იყოს კედელში ჩამონტაჟებული, დასაკიდი ან დამოუკიდებლად მდგომი. ელექტრო ბუხარი ძირითადად ორი ნაწილისგან შედგება:

• გამათბობელი მექანიზმი, რომლის საშუალებითაც ოთახი თბება
• მონიტორი, რომელიც ბუხარში შეშის წვის ვიზუალს ასახავს

ელექტრო ბუხარი არ მოიხმარს ბევრ ელექტროენერგიას. საგანგებო განათების მეშვეობით, ცეცხლის რეალისტური ვიზუალი იქმნება, რომელიც სურვილისამებრ რეგულირებადია. ელექტრო ბუხრის ბევრი მოდელი, დისტანციურად იმართება, აგრეთვე შესაძლებელია დააყენოთ ტაიმერი. თუ სახლში მცირეწლოვანი ბავშვები გყავთ უმჯობესია ისეთი მოდელი შეარჩიოთ, რომლის მინა მუდმივად გრილი იქნება. ბევრი ადამიანისთვის ბუხარი შეშის წვის ხმასთან ასოცირდება, სწორედ ამიტომ არსებობს მოდელი, რომელსაც წვის ხმოვანი იმიტაცია აქვს.

იმის გათვალისწინებით, რომ ელექტრო ბუხარი სხვადასხვა დიზაინით არის წარმოდგენილი, შესაძლებელია თითქმის ყველანაირ ინტერიერს მივუსადაგოთ. მინიმალისტური სტილის მქონე ინტერიერისთვის, შეგიძლიათ შედარებით სადა ფერისა და გაფორმების მქონე ბუხარი შეარჩიოთ. ხოლო ძველებურ, უფრო ტრადიცულ ესთეტიკაში გადაწყვეტილ ინტერიერში შეგიძლიათ კლასიკური დიზაინის მქონე ბუხარი დაამონტაჟოთ.

ზამთარი უკვე ახლოსაა და თუ, სახლის გათბობის ალტერნატიულ გზებზე ფიქრობთ გირჩევთ, ჩვენი კატალოგი დაათვალიეროთ.