ბლინი, საკმაოდ პოპულარული დესერტია და მას, სხვადასხვა ქვეყნის კულინარიულ ტრადიციაში შეხვდებით. ევროპულ კულტურაში, ბლინი, ჯერ კიდევ საუკუნეების წინ არსებობდა. ბლინის მომზადების უამრავი რეცეპტი არსებობს. ის შეიძლება იყოს წარმოდგენილი როგორც დესერტის სახით, ასევე ხორცის შიგთავსით. 

გემრიელი და რაც მთავარია თხელი ბლინის მომზადება საგანგებო საცხობი აპარატით არის შესაძლებელი. აპარატის სტანდარტულ მოდელს ტაფის ფორმა აქვს. მოწყობილობის ზედაპირი მალე ცხელდება, მომზადების პროცესის ხანგრძლივობა კი დამოკიდებულია აპარატის სიმძლავრეზე. ბლინი როგორც წესი 2-3 წუთში მზად არის.

ტემპერატურის რეგულირება

იმისათვის რომ ბლინი არ დაიწვას, რიგ მოდელებს ტემპერატურის რეგულირების ფუნქცია გააჩნიათ. აღნიშნული ფუნქციით, მოწყობილობა მუშაობის პროცესში ერთ ტემპერატურას ინარჩუნებს.

მზადყოფნის მაჩვენებელი

მზადყოფნის მაჩვენებლის ფუნქცია მომხმარებელს ამცნობს, რომ მოწყობილობა საჭირო ტემპერატურაზე გაცხელდა.

კომპლექტაცია

ბლინის საცხობ აპარატს კომპლექტაციაში შეიძლება მოჰყვეს ნიჩბები, ცომის გამანაწილებლები, სპეციალური ფიალები და ა.შ. განსაკუთრებით კომფორტული მოსახმარი ხის გამანაწილებელი მოწყობილობაა, რომელიც ტაფაზე ცომის თანაბარ განთავსებას უზრუნველყოფს.

ბლინის საცხობი ელექტრო ტაფა საკმაოდ მცირე ზომის, მსუბუქი მოწყობილობაა და სამზარეულოში დიდ ადგილს არ იკავებს.