როგორც ვიცით, ბლენდერი, თანამედროვე დიასახლისებს სამზარეულოში დიდ დახმარებას უწევს. მას შეუძლია დროის მცირე მონაკვეთში დააქუცმაცოს კერძისთვის გამზადებული პროდუქტი. ბლენდერი განსაკუთრებით საჭირო, იმ ოჯახებშია, სადაც პატარა ბავშვები ცხოვრობენ, რადგან მისი გამოყენებით შესაძლებელია გემრიელი პიურისა და ფაფების დამზადება. გარდა ამისა ბლენდერის დახმარებით სხვადასხვა ხილის წვენისა და კოქტეილის მომზადებაც შეგიძლიათ.

ბლენდერის შეძენამდე, პირველ რიგში უნდა განსაზღვროთ, როგორი კერძების მომზადებას აპირებთ ხშირად. 

ძირითადად ბაზარზე, ორი სახეობაა წარმოდგენილი:

1. ხელის ბლენდერი
2. სტაციონალური ბლენდერი

ხელის ბლენდერი იმ შემთხვევებისთვის გამოგადგებათ, თუ ერთი სახის ბოსტნეულის ან ხილის მომზადებას აპირებთ. მაგალითად, თუ თხილის ან მწვანილის სწრაფად დაქუცმაცება გსურთ. ხელის ბლენდერები საკმაოდ მცირე ზომისაა და თქვენს სამზარეულოში დიდ ადგილს არ დაიკავებს. დაქუცმაცების პროცესში, ამ ტიპის ბლენდერი ხელში უნდა გეჭიროთ. მათი სიმძლავრე 200 ვატიდან  იწყება და 800 ვატამდე ადის.

სტაციონალური ბლენდერი საგანგებო კონტეინერით და დანებით არის აღჭურვილი, ღილაკზე ხელის დაჭერით შესაძლებელია სხვადასხვა პროდუქტის დაქუცმაცება. ასეთი ტიპის ბლენდერს ე.წ „შეიკერსაც“ ეძახიან, რადგან  მისი გამოყენებით გემრიელი კოქტეილები მზადდება. ამ ტიპის ბლენდერების ნაწილს, ავტომატური წმენდის ფუნქციაც აქვს, რაც საკმაოდ პრაქტიკულია. სტაციონალური ბლენდერის სიმძლავრე, განსხვავებით ხელის ბლენდერისგან, 1800 ვატამდეც კი ადის.

ბლენდერის შეძენამდე, ყურადღება მიაქციეთ მის ჭურჭელსაც. არსებობს მინისა და პლასტმასის კონტეინერები. მინის კონტეინერი უკეთესი არჩევანია, მისი მოვლა და შენარჩუნება უფრო მარტივია. 

თუ ახალ ბლენდერს ეძებთ, ნახეთ ჩვენი კატალოგი.