ჯანმრთელი ცხოვრების წესის ერთ-ერთი მნიშვნელოვანი კომპონენტი ვარჯიშია. სხეულის ფორმის დახვეწისა და ჭარბი წონის კონტროლის გარდა, ვარჯიში გულ-სისხლძარღვთა და მამოძრავებელი სისტემის გამართულად მუშაობაშიც გვეხმარება. როგორც ვიცით ვარჯიშის ერთ-ერთი ყველაზე გავრცელებული მეთოდი სირბილია. თუმცა ხშირად ფიტნეს დარბაზებში სიარულის ან ბუნებაში სირბილის დრო და საშუალება არ გვაქვს. სახლის პირობებში სავარჯიშოდ ოპტიმალური ვარიანტი კი - სარბენი ბილიკია. 

რა უნდა ვიცოდეთ თუ სარბენი ბილიკის შეძენა გადავწყვიტეთ

ბაზარზე გავრცელებული სარბენი ბილიკებიდან ძირითადად გვხვდება ელექტრონული მოდელები, რომლებიც სხვადასხვა ფუნქციით აღჭურვილი კომფორტული საშუალებაა სავარჯიშოდ. ეკრანის დახმარებით შესაძლებელია სიჩქარის, რეჟიმის, ბილიკის დახრილობისა და სხვა პარამეტრების კონტროლი. რიგ მოდელებზე დატანილია ისეთი ინფორმაციებიც როგორიცაა გულის ცემის მონიტორინგი და კალორიების მაჩვენებელი.

სიჩქარე

სარბენი ბილიკების მოძრაობის სიჩქარე 30-კმ/სთ-მდე შეიძლება განვითარდეს. თანამედროვე მოდელები ბრუნვის სიჩქარეს ავტომატურ რეჟიმში არეგულირებენ, რაც მაღალი და დაბალი სიჩქარეების მონაცვლეობას უზრუნველყოფს.

ბილიკის სიგრძე

სარბენი ბილიკის სიგრძის სწორად შერჩევა, ერთ-ერთი უმთავრესი კომპონენტია. სიგრძე საშუალოდ 175 სმ-ს შეადგენს. ბილიკზე ჩვენი ნაბიჯების სიგრძე სირბილის დროს გათვალისწინებული უნდა იყოს.

ბილიკის დახრილობა

ბილიკზე სირბილის დროს უნდა გავითვალისწინოთ დახრილობის მაჩვენებელიც. სარბენი ბილიკების მოდელებში საშუალოდ 10-დან 40 გრადუსამდე დახრის კუთხე გვხვდება. როგორც ცნობილია აღმართზე სირბილი კალორიების დაწვას ხელს უწყობს, თუმცა გასათვალისწინებელია რომ თავდაპირველად, რამდენიმე წუთის განმავლობაში სწორ ზედაპირზე სირბილია რეკომენდირებული.

დამატებითი ფუნქციები

იმისათვის რომ ვარჯიშის პროცესი დამღლელი და მოსაწყენი არ გახდეს, სასურველია სარბენ ბილიკს USB პორტი ჰქონდეს. მუსიკის თანხლებით სირბილი ხომ ბევრად უფრო კომფორტულია.

სარბენი ბილიკების დეტალურ მახასიათებლებს ჩვენს კატალოგში ნახავთ.