იდეალური გამოსახულების მისაღებად, მხოლოდ ხარისხიანი პროექტორის შეძენა საკმარისი არ არის. საჭიროა ეკრანიც სწორად შევარჩიოთ და ამისთვის შემდეგი რჩევები დაგვეხმარება:

პირველ რიგში უნდა გავერკვიოთ თუ რა მიზნისთვის გვსურს ეკრანის შეძენა, ფილმების საყურებლად თუ სამუშაო ფორმატის პრეზენტაციების გასამართად. ყურადღება უნდა მივაქციოთ სავარაუდო ადგილმდებარეობასაც, მისი დამონტაჟება ხშირად ღია ცის ქვეშ მოგვიწევს თუ ოთახში (ოთახის შემთხვევაში ის ნათელია თუ ბნელი) და ა.შ.

ბაზარზე პროექტორის ეკრანის ორი სახეობა არსებობს: სტაციონალური და მობილური.

თუ, წინასწარ შერჩეულ ოთახში ვაპირებთ ეკრანის  დაკიდებას, უმჯობესია სტაციონალური ეკრანი შევიძინოთ, რომელსაც საგანგებო ჩარჩო მოჰყვება. ამ ჩარჩოს დახმარებით შესაძლებელია ეკრანი დავკეცოთ და შევინახოთ. სტაციონალური ეკრანი უნდა დავამონტაჟოთ იატაკიდან მინიმუმ 1 მეტრის სიმაღლეზე. პრეზენტაციის ფორმატისთვის ეკრანის თანაფარდობა უნდა იყოს 4:3- ზე, ხოლო ფილმების ჩვენებისთვის სასურველია 16:9 ან 16:10-ზე შეფარდებით.

მობილური ეკრანის გადაადგილება და შენახვა უფრო მარტივია, მას სპეციალურ შტატივზე ამაგრებენ, რაც განსაკუთრებით მოსახერხებელია. ზოგ მოდელს აქვს უკუპროექციის ფუნქცია, რაც ნიშნავს, რომ პროექტორი შესაძლოა ეკრანის უკანა მხარეს მოთავსდეს. მობილური ეკრანის ხშირი მოძრაბით შესაძლოა, მისი ზედაპირი ტალღოვანი გახდეს, რაც ამ ტიპის ეკრანის ერთ-ერთ უარყოფით მხარეს წარმოადგენს.

პროექტორის ეკრანი შესაძლოა იყოს გლუვი ან პრიალა ზედაპირით. გლუვი ზედაპირი უმჯობესია ნათელ ოთახებში პრეზენტაციებისთვის, ხოლო ისეთ ოთახებში, სადაც სინათლის კონტროლი შეგვიძლია, პრიალა ზედაპირის მქონე ეკრანი ზედგამოჭრილია.

სასურველია, პროექტორის ეკრანის ჩარჩო შავი არშიით იყოს გარშემორტყმული, რომელიც ხელსაყრელია განათების მოდელირებისთვის.  ეს უკანასკნელი სინათლის სხივის არეკვლის პროცესს უშლის ხელს. 

პ.ს კარგი იქნება გავითვალისწინოთ პროექტორსა და პროექტორის ეკრანს შორის მანძილიც. 

პროექტორის ეკრანის შერჩევაში ჩვენი კატალოგი დაგეხმარებათ.