ზაფხულის ცხელ დღეებთან ბრძოლის ერთ-ერთი საშუალება, კონდიციონერის გარდა ვენტილატორია. ვენტილატორის მთავარ უპირატესობას დაბალი ფასი და მისი ენერგოეფექტურობა წარმოადგენს. მოწყობილობა მისი ზომიდან გამომდინარე გადასაადგილებლად იდეალურია. ვენტილატორის შერჩევამდე, რამდენიმე ფაქტორი უნდა განვსაზღვროთ.

ძირითადად გვხვდება სამი სახის/ზომის ვენტილატორები:

• იატაკზე დასადგამი
• ჭერის
• მაგიდაზე დასადგამი

განვიხილოთ იატაკისა და მაგიდაზე დასადგამი ვენტილატორები, რომლებიც ბაზარზე განსაკუთრებით პოპულარულია.

იატაკის ვენტილატორს დიდი ზომის ფრთები აქვს და მაღალ ფეხზე დგას. თანამედროვე მოდელებში შესაძლებელია ფეხის ზომის რეგულირება, ბრუნვის ფუნქციის საშუალებით კი გრილ ჰაერს მთელ ოთახში ანაწილებს.

მაგიდაზე დასადგამი ვენტილატორები, ზომაში შედარებით პატარაა და სიმძლრავრეც ნაკლები აქვს. მის მთავარ დადებით თვისებას კომპაქტურობა წარმოადგენს.

სიმძლავრე

სიმძლავრის მაჩვენებელი რიგ მოდელებში, 50-დან 100 ვატამდე მერყეობს. ბუნებრივია, რაც უფრო მაღალია სიმძლავრის მაჩვენებელი, გაგრილების დონეც იმატებს. სამაგიდო ვენტილატორებში საშუალოდ 35 ვატიანი მოდელები გვხვდება.

დაბერვის რეგულირება

მისი საშუალებით შეგვიძლია დავარეგულიროთ ჰაერის ნაკადის ძალა. ძირითადად ვენტილატორებს ორი ან სამი რეგულირების რეჟიმი გააჩნიათ, თუმცა გვხვდება ხუთ და მეტ სიჩქარიანი მოდელებიც.

ხმაურის დონე

ვენტილატორის შერჩევამდე, ყურადღება უნდა მივაქციოთ ხმაურის დონესაც. ხშირ შემთხვევაში ხმაურის დონე მერყეობს 40dB-დან 50dB-მდე. თუ ვენტილატორი საძინებელი ოთახისთვის გვინდა, უმჯობესი იქნება თუ ვენტილატორის ხმის დონე არ აღემატება 40dB-ს.

დამატებითი სასარგებლო ფუნქციები

• თანამედროვე ვენტილატორებს, ბევრი სასარგებლო ფუნქცია აქვთ. მაგალითად ერთ-ერთი მოწყობილობის დისტანციურად მართვის შესაძლებლობაა, რომელიც დამატებით კომფორტს ქმნის.
• განათების ფუნქციის საშუალებით, ღამით ვენტილატორის მართვა უფრო ადვილია.
• დისპლეის საშუალებით კი რიგ მოდელებზე აისახება ოთახის ტემპერატურა, მუშაობის დრო და შესაძლებელია ტაიმერის დაყენებაც. ტაიმერის დახმარებით შეგვიძლია განვსაზღვროთ დრო როცა მოწყობილობა ავტომატურად გამოირთვება.

სახლიდან გაუსვლელად, შეარჩიე ვენტილატორი ჩვენს კატალოგში და მიიღე უფასოდ ყველგან.