ვიდეო თამაშების კონსოლებმა განვითარების გრძელი ისტორია გაიარეს. თუმცა ბევრმა არ იცის, რომ პირველი სათამაშო მოწყობილობა ჯერ კიდევ 1972 წელს, ამერიკაში შეიქმნა და მას Magnavox Odyssey ერქვა. ტელევიზორთან მიერთების შემდეგ, ეკრანზე რამდენიმე წერტილის ამოძრავება იყო შესაძლებელი. Magnavox Odyssey-ის ერთი შეხედვით მარტივ თამაშს ხმა არ ჰქონდა. სათამაშო კონსოლების ძველი მოდელების შესახებ საინტერესო სტატიას ვებ გვერდი - Oldest.org აქვეყნებს. 

Atari Pong

შემდეგი კონსოლი 1975 წელს გამოვიდა და მალევე გახდა პოპულარული. მასზე მაგიდის ტენისის მსგავსი თამაში იყო ჩაწერილი. 

Color TV-Game

პირველი თაობის კონსოლებში გაყიდვების ლიდერი, სწორედ ეს მოდელი აღმოჩნდა. მოწყობილობა იაპონიაში, კომპანია Nintendo-მ შექმნა. Color TV-Game ბაზარზე 1977 წელს გამოჩნდა. იმის მიუხედავად რომ კონსოლზე თამაში მარტივი იყო, ის მაინც რევოლუციურ მოწყობილობად ითვლებოდა, რადგან ორი ადამიანის გარდა, თამაში კომპიუტერის წინააღმდეგაც იყო შესაძლებელი. 

Atari 7800

კონსოლი 1986 წელს გამოვიდა და 59-მდე თამაში იყო ხელმისაწვდომი. მათ შორის განსაკუთრებით პოპულარულით თამაში - Donkey Kong სარგებლობდა. 

Sega Genesis

1988 წელს გამოსულ - Sega Genesis-ს 16 ბიტიანი ჩიპი და 3D გრაფიკა ჰქონდა. კონსოლზე რამდენიმე თამაში იყო, თუმცა მომხმარებელს დამატებით სხვადასხვა ვიდეო თამაშის შეძენა შეეძლოთ.