პროდუქტების შესანახად მაცივარი საუკეთესო საშუალებაა, თუმცა არ უნდა დაგვავიწყდეს, რომ ზოგიერთი პროდუქტი არ საჭიროებს გაგრილებას. სიცივემ შესაძლებელია პროდუქტს ხარისხი და პირვანდელი გემო დაუკარგოს.

მაცივარში არ უნდა შევინახოთ სტაფილო და კარტოფილი, რადგან სიცივეში,  შესაძლოა პროდუქტის ლპობის პროცესი დაჩქარდეს. უმჯობესია. თუ მათ შესანახად ბნელ ადგილს შევარჩევთ.

მაცივრის სინესტე მავნებელია ხახვის შესანახად და ის, როგორც კარტოფილი, ბნელ და მშრალ ადგილას უნდა შევინახოთ. თუმცა, გასათვალისწინებელია ისიც, რომ კარტოფილისა და ხახვის ერთ სივრცეში მოთავსება არ შეიძლება.

მაცივარს უნდა მოვარიდოთ პომიდორი და ბადრიჯანი, რადგან ისინი სიცივეში კარგავენ გემოსა და სიმწიფეს. მათი შენახვა სამზარეულოს ნებისმიერ ადგილას შეგვიძლია.

აგრეთვე, მაცივარს განსაკუთრებით უნდა მოვარიდოთ რეჰანი, რადგან ის სიცივეში მალე ჭკნება და მისი სუნი სხვა პროდუქტებზეც ადვილად გადადის. თუ გვსურს რეჰანი დიდხანს შევინახოთ, ჯერ უნდა გავახმოთ და შემდეგ საყინულეში გავყინოთ.

რაც შეეხება ხილს და განსაკუთრებით ტროპიკულ ხილს, მაცივარი მათ ზედმეტად აშრობს. სხვადასხვა კვლევებით დასტურდება, რომ მაცივარი აზიანებს დაჭრილ საზამთროს და ნესვს.

მაცივრის გარეშე დიდ ხანს ძლებს თაფლი და  საწებელი (კეტჩუპი). ასევე აღსანიშნავია, რომ შოკოლადი სიცივეში გემოს კარგავს.