იცოდით, რომ მსოფლიოში ყოველდღიურად 2 მილიარდზე მეტი ფინჯანი ყავა ისმება ?

ყავა, ბევრი ადამიანის ყოველდღიური რაციონის შეუცვლელი ნაწილია. იშვიათია შეხვდეთ ზრდასრულ ადამიანს, რომელსაც ცხოვრებაში ერთხელ მაინც არ გაუსინჯავს ყავა. ამ სასმელს ბევრი დადებითი თვისება აქვს, მაგალითად, მას შეუძლია თავის ტკივილის მოხსნა, წნევის ზრდა, მეხსიერების გაუმჯობესება და ა.შ.

პირველი ყავის აპარატი 1884 წელს, იტალიაში, ქალაქ ტურინში შეიქმნა და ის, ესპრესოს მოსამზადებლად იყო გათვლილი. თანამედროვე სამყაროში, ყავის მომზადების არაერთი ტექნიკა არსებობს. ძირითადად, ყავის აპარატის, შემდეგი სახეობები გვხვდება:

• ესპრესოს მადუღარა
• კაფსულიანი
• კომბინირებული
• ფილტრიანი, ანუ წვეთოვანი მადუღარა
• გეიზერული
• ფრანგული ( French Press )

განსაკუთრებით მოთხოვნადი ესპრესოს აპარატია, რომელიც როგორც ავტომატურად, ისე მექანიკურად იმართება. აპარატი ამუშავებს ყავის მარცვალს. ორთქლზე მომუშავე აპარატები, ძლიერ ყავას ამზადებენ მცირე რაოდენობით. 

კაფსულიანი ყავის აპარატი, საგანგებო კაფსულებს ამუშავებს. საკმარისია, აღნიშნული კაფსულები მოათავსოთ მისთვის განკუთვნილ კონტეინერში და ყავა სულ რამდენიმე წამში მზად იქნება. აპარატის უარყოფით მხარედ შეგვიძლია ის გარემოება მივიჩნიოთ, რომ აღნიშნული მოწყობილობა, მხოლოდ ერთ ფინჯან ყავას ამზადებს. 

კომბინირებული ყავის აპარატით შესაძლებელია მომზადდეს, როგორც ამერიკანო და ესპრესო, ისე კაპუჩინო. ის გათვლილია ყველა გემოვნების ადამიანისთვის. აპარატის უარყოფით მხარედ შესაძლოა მისი მოცულობა მივიჩნით, რადგან პატარა სამზარეულოში მისთვის ადგილის მოძებნა საკმაოდ რთულია. 

თუ გემრიელი ამერიკანო გიყვართ, წვეთოვანი ანუ ფილტრის აპარატი გამოგადგებათ. გაითვალისწინეთ, რომ ფილტრი არსებობს როგორც ერთჯერადი, ისე მრავალჯერადი გამოყენებით. აღნიშნული მოდელს, როგორც წესი  საგანგებო თერმოსი მოყვება, რომელიც მომზადებული ყავის ტემპერატურას გარკვეული პერიოდის განმავლობაში ინარჩუნებს.

გამოსაყენებლად საკმაოდ მარტივია გეიზერული ყავის მადუღარა, რომელიც წარმოდგენილია როგორც ქურაზე დასადგომად, ისე ელექტრო სახით. საჭიროა მხოლოდ წყლის ჩასხმა, ყავის დამატება (გაითვალისწინეთ რომ მადუღარა ბოლომდე უნდა გაავსოთ ყავის ფხვნილით) და ქურაზე განთავსება. ეს პროცესი, ყავის მოდუღების ტრადიციულ მეთოდს წარმოადგენს.

ტრადიციულია ასევე ფრანგული - French Press, რომელიც ყავის სახარშს წარმოადგენს. თუ ვინტაჟური სტილი მოგწონთ, ფრანგული პრესი თქვენს სამზარეულოს ნამდვილად გაალამაზებს. მოწყობილობა მინის ჭურჭლისა და ფილტრისგან შედგება. სამწუხაროდ, ფრენჩ პრესი ამერიკანოსა და ესპრესოს მოსამზადებლად არ გამოდგება. გარდა ამისა, ძლიერი ყავის მომზადებისთვის, აუცილებლია დაიცვათ მოწყობილობაში მოთავსებული წყლისა და ყავის რაოდენობის ზუსტი პროპორცია.

თუ, გემრიელი ყავა გიყვართ და აპარატი ჯერ კიდევ არ შეგირჩევიათ, ჩვენს კატალოგს გადახედეთ.