პირის ღრუს სრულყოფილი მოვლისთვის, მხოლოდ კბილის ჯაგრისის გამოყენება საკმარისი არ არის. ხშირად, სტომატოლოგიური პრობლემების მიზეზად კბილების არასწორი მოვლა სახელდება. ჯაგრისი რთულად მისაღწევ ადგილებს ვერ ასუფთავებს, რის შედეგადაც პირის ღრუში ნადები ან ქვები ჩნდება.

სტომატოლოგები, მომხმარებლებს ირიგატორის გამოყენებას ურჩევენ. ირიგატორი წარმოადგენს ერთგვარ კბილის ჯაგრისს წყლის ჭავლით, რომელიც საშუალებას იძლევა საფუძვლიანად გასუფთავდეს პირის ღრუ. წყლის ჭავლი მარტივად აშორებს ბაქტერიებს კბილთაშორისი სივრცეებიდან, ენიდან და ღრძილებიდან. ირიგატორი განსაკუთრებით ხელსაყრელია, მათთვის ვინც ბრეკეტებს ატარებს, იმპლანტები აქვს ან მკურნალობის პროცესს გადის.

ძირითადად ირიგატორის ორი ტიპი არსებობს, ესენია: 

• სტაციონალური - ირიგატორი უკავშირდება დენის წყაროს.
• პორტატული - ირიგატორი მუშაობს ელემენტის დახმარებით. 

ირიგატორში წყლის გარდა, სხვა სამკურნალო სითხეც შეგვიძლია მოვათავსოთ, რომელიც სტომატოლოგის მიერ იქნება შერჩეული. 

ირიგატორის გამოყენება საკმაოდ მარტივია, თუმცა საჭიროა რიგი წესების დაცვა. მაგალითად მოხმარების სიხშირე და სითხეების სპეციფიკა, წინასწარ სტომატოლოგთან უნდა იყოს შეთანხმებული. ირიგატორის პარალელურად აუცილებელია, კბილის პასტითა და ჯაგრისით სარგებლობა.

კომპლექტაცია

ირიგატორებს შესაძლოა საჭიროებისამებრ მოჰყვებოდეს სხვადასხვა ფუნქციის საცმები, რომლებიც გამოიყენება ინტენსიური ან მგრძნობიარე წმენდისთვის, გასათეთრებლად და ა.შ.

გარდა კბილების გასუფთავებისა, ირიგატორს აქვს მასაჟის ეფექტიც და აშორებს უსიამოვნო სუნს პირის ღრუდან.

აღსანიშნავია ისიც, რომ ირიგატორი პირის ღრუში უკვე არსებულ ქვებს ვერ აშორებს და უმჯობესია გამოყენების დაწყების წინ, სტომატოლოგთან საგანგებო წმენდის პროცედურა ჩაიტაროთ. ექიმების რჩევით, მათ ვისაც გულთან დაკავშირებული პრობლემები აქვთ, ირიგატორის შეძენამდე აუცილებლად უნდა გაიარონ ექიმთან კონსულტაცია.

ირიგატორის დეტალური მახასიათებლები იხილეთ ჩვენს კატალოგში.