თუ უპირატესობას ჯანსაღ კვებას ანიჭებთ, ყოველ დილით, გემრიელი საუზმის მომზადებაში ტოსტერი დაგეხმარებათ. პირველი ტოსტერი, შოტლანდიაში, ჯერ კიდევ მე-19 საუკუნეში გამოიგონეს და დღემდე გახუხული პური განსაკუთრებით ამ რეგიონში უყვართ. გახუხული პური ანუ ტოსტი გარდა იმისა, რომ სასარგებლოა, ასევე საკმაოდ ნოყიერია. 

ტოსტერი მარტივი და კომპაქტური მოწყობილობაა, რომელიც სამზარეულოში დიდ ადგილს არ იკავებს. მისი მოდელები ერთმანეთისგან მოცულობითა და ფუნქციით განსხვავდებიან. სტანდარტულად ტოსტერი ორ ტოსტზეა გათვლილი, თუმცა არსებობს ისეთებიც სადაც შესაძლებელია ოთხი გახუხული პურის ერთდროულად მომზადება.

ტოსტერების მართვა

ტოსტერი ძირითადად მექანიკური და ელექტრონული მართვის, ორი განსხვავებული ტიპით არის წარმოდგენილი. ელექტრონული მართვის შემთხვევაში, მოწყობილობა თავად არეგულირებს გამორთვას და ტემპერატურის კონტროლიც შესაძლებელია.

ტოსტერების სიმძლავრე   

საშუალოდ ტოსტერები 600-დან 1600 ვატამდე ელექტროენერგიას მოიხმარენ. რაც უფრო მაღალია სიმძლავრე, ტოსტის მომზადებას უფრო ნაკლები დრო სჭირდება.

ტოსტერის კორპუსი

ტოსტერის კორპუსი შესაძლოა იყოს მეტალის ან პლასტმასის.        

ტოსტერის სასარგებლო ფუნქციები

პურის გალღობა - ამ შემთხვევაში ტოსტერი თავად ალღობს გაყინულ პურს და შემდეგ გარკვეულ ტემპერატურაზე წვავს.

პურის გათბობა - ასეთ დროს ტოსტერი  შეწვის მაგივრად პურს ათბობს.

ნარჩენების კონტეინერი - ტოსტერის ზოგ მოდელს, კორპუსის ქვემოთ, პურის ნარჩენებისთვის განსაზღვრული სივრცე აქვს, რომელიც ადვილად იხსნება და იწმინდება.

ბავშვებისთვის ტოსტის ჭამა უფრო სახალისო რომ იყოს, ამისთვის ზოგიერთ მოდელზე პურის შეწვის დროს სხვადასხვა წარწერის ან ნახატის განთავსება არის შესაძლებელი.

ტოსტერის კორპუსები, როგორც წესი სხვადასხვა დიზაინით არის წარმოდგენილი, რაც მომხარებელს საშუალებას აძლევს მისთვის სასურველი ფორმისა და ფერის მოწყობილობა შეარჩიოს. 

ჩვენს კატალოგში, სხვადასხვა დიზაინისა და ფუნქციის მქონე ტოსტერების დიდი არჩევანია მოცემული.